A NOSA LAREIRA

Lareira é a pedra onde se fai o lume. Ao seu redor ten lugar a vida da casa e é un punto de encontro para moitas persoas onde xuntarse a falar e compartir.

A nosa lareira é un espazo creado para as familias con DCA socias de Sarela. Pretende ser un lugar onde te sintas segura/o e acompañada/o no proceso que estás a vivir como persoa coidadora dado que coidar é unha tarefa complexa, que require de moito esforzo e que ten consecuencias nos diferentes ámbitos da túa vida. Por iso é imprescindible que poidas coidarte e te deixes coidar.

Este é un espazo para ti, un espazo onde atoparás recursos e ferramentas que che axuden no teu día a día. Un lugar onde relacionarte e compartir tempo, coñecementos, experiencias e porque non, onde tamén poder desfrutar.