Na celebración do 25 aniversario da asociación, publicamos tres vídeos coa historia da asociación desde o momento da súa fundación até o momento da celebración. Aquí podes acceder aos tres vídeos: "1. Os inicios", "2. Retos superados" e "3. O futuro".

O mércores 17 pechamos a conmemoración do 25 aniversario da asociación cun acto celebrado na Cidade da Cultura de Galicia no que se repasaron a historia da entidade desde a súa fundación o 19 de decembro de 2000. Un camiño que comezou grazas á iniciativa e á forza dun grupo de familias e profesionais que tiñan unha convicción moi clara: unha vida salvada merece ser vivida con dignidade.

Moitas grazas a todas as persoas que fixeron posible o Concerto Solidario que celebramos este sábado. Especialmente a todos os nenos e nenas da Bandiña e Coro da Escola Municipal de Música de Santiago, aos seus mestres e mestras, ás súas familias por acompañarnos; ao Coro Harmonia Stellae; ao grupo Charamuscas; ao todo o equipo do CIPF Politécnico de Santiago polas facilidades e o gran traballo de sala ese día; a Ramón Castro por conducir tan ben o acto e a todo o público que nos acompañou.

Acompáñanos no Concerto Solidario que con motivo de 25 Anos de retos superados celebraremos o sábado 15 de novembro ás 19:00 horas no auditorio do CIFP Politécnico de Santiago. Actuarán a Bandiña e Coro da Escola Municipal de Música de Santiago, o coro Harmonía Stellae e o grupo Charamuscas de música tradicional. Amplía a información para saber como mercar as entradas ou colaborar na fila 0.

O sábado pasado as familias, colaboradores/as, persoas voluntarias, profesionais e representantes doutras entidades galegas do DCA celebramos con gran éxito a foliada coa que abrimos as celebración do noso 25 aniversario.

O próximo sábado 5 de xullo todas as persoas que o desexen poderán celebrar con nós 25 Anos de retos superados na foliada que organizamos no campo da festa do Castiñeiriño. Un xantar a base de polbo, churrasco, empanada e máis, música e xogos serán as actividades que estamos a preparar.

Hoxe tivemos un almorzo informativo cos medios de comunicación locais para presentar un avance das actividades coas que celebraremos o noso 25 aniversario. Luciano Fernández, presidente da entidade, anunciou os actos que terán como colofón un acto o 19 de decembro, data do nacemento de Sarela.

Prepara roupa cómoda e esterilla! O sábado 14 organizamos no parque do Restollal unha sesión de ioga solidario con motivo do noso 25 aniversario Nesta actividade contamos coa colaboración de Zona-Zen de Bertamiráns. A continuación explicámosche como facer a inscrición e cal é a localización exacta.