Novas

No compromiso de seguir mellorando a accesibilidade dos seus contidos, a web da asociación mellorou este aspecto incorporando a ferramenta ReadSpeaker que permite ler en voz alta o contido de texto da páxina. Ao escoitar o texto comprenderemos mellor a información e poderemos escoitala en calquera lugar, en calquera momento e con calquera dispositivo (ordenador, teléfonos móbiles, tabletas etc). O usuario/a non ten que descargar nada xa que o reprodutor está integrada na páxina.

Esta mañá visitou a sede da asociación o conselleiro de Cultura, Lingua e Xuventude, José López Campos, para coñecer de primeira man os servizos de atención especializada en Dano Cerebral e falar de asuntos relacionados con este área de goberno da Xunta de Galicia. Os temas principais tratados foron a nova lei autonómica de cultura inclusiva e o programa de voluntariado da entidade.

Reproducimos o manifesto que, con motivo da celebración do Día Internacional da Muller, fai público a Fundación Cermi Mujeres, unha organización creada polo Comité Español de Representantes de Persoas con Discapacidade (CERMI) para a defensa e acción do pleno goce de todos os dereitos humanos e liberdades fundamentais das mulleres e nenas con discapacidade.

Dano Cerebral Santiago de Compostela é unha das doce entidades sociais que se beneficiarán desta iniciativa na que cada mes un comercio local dá visibilidade ao labor dunha organización. Esta é a segunda edición dunha idea que xurdiu das propias comerciantes e que conta co apoio da Concellaría de Dereitos e Servizos Sociais, Promoción Económica e Xuventude.

Este proxecto transfronteirizo, liderado pola Universidade de Santiago e o Instituto de Investigación Sanitaria de Santiago (IDIS), busca comprender a relación molecular entre os xenes e os estímulos externos. Para iso parten do poder terapéutico da música e no proceso realízase un seguimento do grupo de persoas colaboradoras a través da recollida de mostras (sangue e saliva) en diferentes momentos do estudio.

Coincidindo coa festa de Nadal na que participaron persoas usuarias, familias, persoas voluntarias e profesionais, José Balboa (presidente e unhas das persoas fundadoras da asociación) protagonizou o acto de colocación da primeira pedra das obras de ampliación da sede da entidade. O novo edificio estará conectado co actual e permitirá mellorar a prestación de todos os servizos prestados a persoas e familias con Dano Cerebral.

Unha visión global da accesibilidade cognitiva para profesionais que ofrecen apoio a persoas con DCA e co obxectivo de mellorar a súa participación, autonomía e equidade.

A investigación cuantifica as consecuencias directas e indirectas derivadas da aparición da discapacidade e ofrece propostas para reducir as desigualdades que xera.