Como cada ano as entidades federadas en Dano Cerebral Estatal redactan un manifesto conxunto no que recollen as súas demandas e inquedanzas. Este 2025, o movemento asociativo pon en valor os 30 anos da existencia da federación estatal e alza a súa voz para reivindicar as necesidades de atención e dereitos das persoas con DCA e as súas familias.

O domingo 26 é o Día do Dano Cerebral e o mércores 29 o Día Mundial do Ictus e celebrarémolos con diversas actividades. O acto principal do Día do DCA será un encontro de todas as familias da asociación e a lectura do manifesto común a todas as entidades do Estado. No Día Mundial do Ictus teremos mesas informativas nos hospitais de Santiago e Ribeira e nalgúns centros de saúde da área sanitaria.

Esta mañá a conselleira Fabiola García e o presidente da asociación, Luciano Fernández, asinaron un convenio por valor de 300.000 euros para as obras da nova fase da nosa sede. Deste xeito, a Xunta de Galicia aportará un un total de 550.000 euros para este fin ao sumar outros 250.000 euros procedentes da convocatoria do IRPF.

Esta maña visitou a nosa sede José González, conselleiro de Emprego, Comercio e Emigración, para coñecer os servizos de atención especializada en Dano Cerebral e con máis detalle o de orientación laboral que conta cunha subvención deste departamento da Xunta de Galicia.

No curso anterior este proxecto permitiu traballar con 16 nenos e nenas de 9 centros educativos. Durante o curso tamén se realiza un traballo continuo de coordinación con titores/as, orientadores/as, profesores/as, xefes/as de estudio etc. Os pais e nais tamén participan no proxecto, recibindo o apoio necesario e as estratexias que favorezan a intervención co neno/a.

Marta Vázquez ten dano cerebral e é socia da nosa entidade. Desde hai uns anos forma parte do proxecto Nado polo DCA impulsado por Dano Cerebral Galicia e a ADC Arousaman para a promoción do deporte acuático na abordaxe do dano cerebral. O sábado 26 participou e completou a súa primeira travesía a nado en augas abertas nun día cunhas condicións na mar moi complicadas.

A travesía a nado na ría de Arousa celebra o 26 de xullo a súa sexta edición. Un total de 65 nadadores e nadadoras participarán nesta proba que une a praia de Confín (O Grove) coa de Coroso (Ribeira). A dureza deste percorrido de 7 millas náuticas (13 km) simbolizan as dificultades polas que pasan as persoas e familias con DCA. A recadación das doazóns recibidas serán destinadas á nosa entidade.

O sábado pasado as familias, colaboradores/as, persoas voluntarias, profesionais e representantes doutras entidades galegas do DCA celebramos con gran éxito a foliada coa que abrimos as celebración do noso 25 aniversario.