Como cada ano as entidades federadas en Dano Cerebral Estatal, antes Fedace, redactan un manifesto conxunto no que recollen as súas demandas e inquedanzas. Este 2024, o movemento asociativo alza a súa voz para reivindicar a necesidade das persoas con DCA e as súas familias de recibir un diagnóstico claro e información suficiente sobre os recursos e alternativas que garantan a súa correcta atención unha vez saen do hospital.

Sarela cambia o seu nome e imaxe. A partir de agora Sarela somos “Dano Cerebral Santiago de Compostela”. Seguimos a ser a mesma asociación de familias que viu a luz no ano 2000, mantendo viva a nosa misión e os nosos valores. Esta nova marca é o froito dun proceso de unificación e confluencia do movemento asociativo do dano cerebral a nivel estatal, autonómico e, no noso caso, local.

A Xunta de Goberno local aprobou o luns 26 de agosto a concesión demanial a Sarela sobre a parcela anexa á sede da asociación no barrio do Castiñeiriño. A parcela será concedida por un prazo de 30 anos, prorrogables até os 75, e permitirá ampliar as instalacións de Sarela para ampliar e mellorar a prestacións do servizos que presta a persoas e familias con dano cerebral.

Esta mañá Sarela recibiu a visita do conselleiro de Sanidade da Xunta de Galicia, Antonio Gómez Caamaño, e do xerente da Área sanitaria de Santiago e Barbanza, Ángel Facio. Na visita tiveron contacto con persoas usuarias dalgúns dos servizos da entidade que lle trasladaron algunhas das súas inquedanzas e demandas como colectivo referidas á necesidade de información para afrontar o #danocerebral ou mellorar a atención no sistema público.

Onte desenvolveuse en Santiago o primeiro encontro estatal que Dano Cerebral Estatal promove en 2024 sobre a problemática da inclusión sociolaboral das persoas con DCA. Sarela foi a encarga de de organizar esta xornada que reuniu en tres mesas a profesionais do ámbito da orientación sociolaboral, representantes de empresas e institucións, e persoas con dano cerebral para describir a situación actual e analizar experiencias de éxito e boas prácticas extrapolables ao ámbito do Dano Cerebral.

Hoxe celebramos a primeira reunión coas persoas usuarias dos nosos servizos que participarán no proxecto EUTERPE_adn. Na mesma tamén estiveron representantes das familias e profesionais da asociación. Este proxecto transfronteirizo, liderado pola Universidade de Santiago de Compostela e o Instituto de Investigación Sanitaria de Santiago (IDIS), unirá a diferentes entidades de Galicia e Portugal.

O Concello de Santiago aprobou na xunta de goberno local de 3 de xuño, outorgar a Sarela unha subvención nominativa para o desenvolvemento do programa de actividades de autocoidado dirixidas a persoas coidadoras e actividades de autocoidado para profesionais de Sarela. Esta axuda ten unha contía de 5.000 euros.

As entidades do Movemento Asociativo de Dano Cerebral unifícanse baixo un novo logo e denominación. No acto de presentación Ana Cabellos, presidenta da federación, dixo que “o camiño ata aquí fíxonos moito máis fortes”. Sarela implantarao nos próximos meses.