No curso anterior este proxecto permitiu traballar con 16 nenos e nenas de 9 centros educativos. Durante o curso tamén se realiza un traballo continuo de coordinación con titores/as, orientadores/as, profesores/as, xefes/as de estudio etc. Os pais e nais tamén participan no proxecto, recibindo o apoio necesario e as estratexias que favorezan a intervención co neno/a.

Esta axuda de 2.000 euros será destinada aos nenos e nenas que participan na actividade grupal de terapia acuática do Servizo de Atención Especializada. Esta foi a primeira edición desta iniciativa social da que tamén se beneficiarán outras cinco entidades: Down Compostela, Asanog, Aspanaes, Asotrame e Fundación Andrea.

Durante o curso 2021-22 o proxecto “Dano Cerebral no colexio” de Fedace posibilitou acompañar a 19 escolares e ás súas familias socias de Sarela e compartir cos profesionais dos centros as necesidades, obxectivos etc de cada un/unha deles/delas.